أنت يارب شايفنى ازاى
شايف قلبي وعقلي كمان ...
شايف نفسي وروحي كمان
بسأل نفسى أنت يارب شايفنى ازاى ؟؟؟
شايف هيكل بقى متحير ...
شايف قلب خلاص أتغير ...
ولا خلاص الأمل أتدمر ...
ارجع تأني أقول متحير ...
أنت يارب شايفنى ازاى ؟؟؟
نفسى أتكلم وابكي واصرخ ... نفسى أقولك أنا متأثر
أصلى تراب وأنت جبلته ... وبنفخه حيه خلقته
بصورة جميلة أبدعته ... بقلب جديد أوجدته
بروح نقية كونته ... بجسد طاهر صورته
بعقل كبير متعته ... بصورتك للعالم أرسلته
بس اسمحلى اسأل تأني
أنت يارب شايفنى ازاى ؟؟؟
رد عليا ربي وقالي
انتى جميله ... انتى حبيبتى ...
نقشتك على كفى محمية
بشويه تراب مكسيه
وفى قلبك كمية حنيه
بتحبى وتخافي وبتسالي أنا ليه منسيه
لكنك في الحقيقة قوية
قوية لأني بحبك ... قوية لأني فديتك
قوية بثقتك فيه
أطمنى أنا شيفك ... أنا شيفك
انتى عمرك ما كنتى منسيه
منقول
موضوع: أنت يارب شايفنى ازاى 
20/6/2010, 21:16
