رسالة من حمار لكبير الدار

عجبي عليك يا ابن ادم يا كبير الدار
قومت الدنيا وما قعدت لما قالوا حمار
هوا اسمي شتيمه ولا جنسي ده عار
خلقني ربي وخلقك ولا حدش له خيار
وانا مهما زاد الحمل فوقي صابر ع المشوار
لا في يوم اقول اشمعني اخوياولا اخد منه تار
ولا يوم ابص لرزق غير ولا اطق منه واغار
ولا ارفع في يوم عيني علي جارتي واصون الجار
ولا مهر ادفع لحمارتي ولا شبكه وسوار
ولا شقه اجمع في تمنها ولا اجهز دار
ولا حرمي حامل تتوحم عايزة الكافيار
ولا بنت تخرج عن طوعي وتجيب العار
ولا ابن يدمن ويهلوس ويقع ينهار
عايش في حالي متهني وليه افكار
باكل وباشرب وبانهق ومافيش اسرار
وعندي ابن ادم يخدمني ليل ويه نهار
ان جوعت يشتري برسيمي باغلي الاسعار
وفي مرضي يفضل يعالجني ويدعي الستار
خادم امين من غير راتب ولا حتى ايجار
والحين عرفت يا ابن ادم مين فينا حمـــــار؟؟

جميل