ترنيمة مين يقدم نفسه ليك

ترنيمة مين يقدم نفسه ليك
مين يقدم نفسه ليك وحياته تبقي ملك إيديك
مهما يقابل في الطريق قلبه يبقي مشغول بيك
زي الشهداء وقت الضيق لما ماتوا حُباً فيك
مين يا سيدي مين
مين ينسى إيمانه مين مين ينسى دم الشهداء مين
علي دمائهم جات السفينة حاملة إيمان قوي وثمين
* مين يرفض الأوثان بعزيمة وقوة وسلطان
ويقلل حبه للدنيا ويرفض إغرائتها الفانية
وبأعماه الصالحة ديه ياخد من التعزية
مين مين مين يا سيدي
* مين عنده إيمان وثبات يشهد بي كل الأوقات
إن يسوع إبن الإنسان هو إبن الله الديان
ولا يخشى لو حاربوه أو حتى في الموت طرحوه
مين يا سيدي مين
* مين قلبه مليان غيرة وإيمانه شعلة حب وغيرة
يفدي بدمه وكل إيمانه زي مارجرجس في زمانه
لا يبدل إيمانه بالمال ولا يترك كنيسته محال
مين يا سيدي مين
* مين في يوم الحساب ياخد أجرة بلا عتاب
يفرح يفرح بالأكاليل وسط التسابيح والتهاليل
ويسمع صوت الإله إدخل إلي فرح السماء