ترنيمة كل نفس

ترنيمة كل نفس
ق: كل نفس .. يا ربى في يوم عرفتك
كل نفس .. بحب وبشوق قابلتك
إتغيرت .. إتبدلت
سابت الشر اللى فيها .. وكل اللى ليها .. وحبتك

1. متى ساب مال الجباية والخطايا وجه معاك
برده بطرس ساب شباكه وجه عشان يتبع خطاك
أما زكا رد كل اللى خده لما انت مليتله بيته بنور بهاك .. بنور بهاك

2. واللى مجنون وحده عايش ويا شره في القبور
واللى ساكن جوة قلبه الخطايا والشرور
هى كلمة .. كلمة انت نطقتها .. ظلمة حياتهم أصبحت يا رب نور .. يا رب نور

3. واللى جاية يا ربى ونفسها في يوم تطيب
عارفة إن انت الدوا .. عارفة إن انت الطبيب
هدب ثوبك مسته شفيت .. قوام مست الحب اللى في قلب الحبيب .. قلب الحبيب

4. نفسى محتاجة للمسة حب تشفى يا بيك
تنزع الشر اللى فيها .. تنغسل يا ربى فيك
مهما كان الشر فيها والخطية .. عارفة برده يا ربى إن راحتها فيك

موضوع جميل الرب يباركك